Wedding Card Box

好多就快結婚既blogger都喜歡DIY。

今日係youtube見到呢個幾得意既野(可能有好多人都睇過)-wedding card box.

因為外國人結算多數送禮物, 但亦有好多人送卡, 呢個card box其實係俾d賓客放張wedding card入去

至於中國人, 當然大部份都係封禮, 以前就終意親手交俾主人家, 依家多數入去既時候放係reception, 交俾兄弟姊妹, 其實我地都可以整個card box俾賓客放禮, 又可以多一個decoration~~~~~

不過當然要搵人睇實個box啦


Wedding Card Box


上面果個圓型紙盒可能比較難搵

方型應該容易做d, 我覺得呢個idea幾好, 用自己既相decorate

方型wedding card box

My Dream Tools

每次睇youtube見到外國既craft tool就好羨慕, 今日介紹幾樣我好想要既Dream Tools 俾大家, 唔係團購架, 大家唔好問我幾錢係邊度買, 因為我都唔知, 如果有興趣大家可以上ebay search下~~~~~~

Dream Tool No. 1 Clever cut paper trimmer
做手作好多時都要cut紙, 下下用cutter又要度又要畫, 仲可能cut得唔靚, 有paper trimmer就方便好多。如果係普通paper trimmer就唔叫得上dream tool啦, 因為中南都大把。呢個叫得clevercut, 係聰明d既, 因為佢可以cut 直線、虛線、波浪同做壓痕。係咪好方便呢, 仲唔使換刀, 轉下個製就得啦~~~~





Dream Tool No.2 Score Board


如果你有睇我之前post既youtube trishutter card video, 就會見到有一塊板俾你做壓痕既, 我最想要係Martha Stewart果塊Score Board, 不過shipping實在太貴啦, 因為size大過任何一個flat rate envelope或box, 計埋shipping成$250(最平)。最終買左另一個牌子scorpal既mini size scor-buddy, 呢個可以fit入flat rate envelop, 仲可以放4塊添。
已經訂左啦~~~~~~希望快d收到啦!!!(呢期既international flat rate shipping好似唔係幾可靠, 成日要等好耐)





Dream Tool No.3 Copic Sketch



讀美術既人一定唔會對copic產品陌生, copic 顏色多, 上色又靚, 用完可以補充墨水, 又有blender幫你做blending, stamp印左出黎上左色已經係一張好靚既卡。可惜copic價錢貴(中南$34一枝), 但台灣買就只要$20左右, 好彩有朋友幫我係台灣買左番黎。不過copic sketch已經斷左貨好耐, 唯有退而求其次買左copic ciao, 雖然冇sketch咁多色, 不過做手工都夠用lu(copic ciao仲平d, 因為冇sketch咁多墨)。





Dream Tool No.4 Xyron 150
呢個係整sticker用, 有幾個型號, Xyron150係最細既, 有左佢就可以解決圖案痴極d邊位都唔貼既情況



呢個係大d size既Xyron, 仲有再大d既


黎緊既生日同聖誕希望我屋企個果識做d啦

書展2010

尋日雖然係三號風球, 不過天氣都唔算差, 所以就去書展睇下。人人都問我見唔見到o靚模, 係咪好多人, 我真係見唔到, 而且唔算多人, 可能我早去啦。

我準時十二點到, 好彩仲係賣緊$10入場劵

本來諗住行下先, 唔買咁多野住, 點知一入去見到商務已經失守。忘記左有補充練習買, 見平時買開俾學生用既補充3本7折(平時特價得95折), 即刻買, 又見到之前想買既Sherlock Holmes Volume I 有8折,又買左(之後發現其他書商好多英文書起碼7折)

之後買既都係學生既書, 自己買左2本咋, 因為已經太重, 拎唔到~~~~

有好多Vampire小說想買呀, 見到好抵, 又買唔到, 所以我決定

星期六拉架車仔再去

唔講咁多俾d相大家睇下先
我最想買當然係關於DIY既野, 在場有好多DIY攤位, 可以即場DIY


我好喜歡既中國剪紙~~~




呢D貓貓旌品都好靚

ONE PIECE~~~

書展有蝴蝶袋賣

行左好多檔想搵手作書, 不過收獲唔大, 可能自己拎住太多野, 唔係好想買, 不過行左幾間, 發覺

大眾既英文手作書最平, 2本8折, 3本仲有7折,
網上有COUPON折實$200再減$20

左:$105; 右95

呢本唔係好記得, 好似$105(最貴都係$105)


呢本$66咋

呢本$48

可愛既Chocolate Rain~~

我買左呢本, 同大家玩個有獎競猜遊戲
估下幾多錢?估中送口金一個
如果冇人估中就送俾最接近者

截止時間:23/7/2010 中午12:00

呢d係paper art敗番黎既......
各位blog友注意, paper art係書展counter(係兒童部)有8折, 不過會員係門市show會員卡有75折
(penny black品牌冇折, 新貨冇折)
所以如果你係會員唔好係書展買呀, 番門市買, 不過留意門市星期日唔開

o靚模~~~~

你們知道什麼是o靚模嗎?

這個嗎?


不是

這個是吧!


也不是

那誰是?

登......

登......

登登~~~~~~

最新o靚模~~~~




呢個就係我果個人細鬼大既兒甥女啦~~~~~~~

自製嘜頭+試用小熨斗後感

我相信好多手作人都希望自己既作品有自己個嘜頭，有好多blog友都刻得一手好章，要自製嘜頭當然冇難度啦。

我仲未有時間去練習刻章技術，不過我都有自己嘜頭

做手作當然俾人知係自己handmade啦, 所以我既作品一定要有自己嘜頭。

係度同大家分享下自製嘜頭既過程~~~~

先準備

• 印章
• 布用印台
• 空白織嘜
• 熨斗(新買既小熨斗可以大派用場啦~~~~)

1. 用印台替印章上色


正確既上色方法應該係用印台塗滿印章




2.上左色之後就印落空白織嘜度



3.等織嘜上既顏色稍乾後便用熨斗定色, 其實最好就用200度左右熨3-5分鐘, 但小熨斗只可選150/260, 我唯有揀260度
呢個步驟好重要, 因為唔加熱定色洗既時候就會甩色


4. 熨好左之後就可以剪出黎用啦~~~~~



試用小熨斗後感:
優點:

• 方便
• 唔需要用熨衫板都得
• 可以熨d微細部份, 熨縫份既時候特便有用

缺點:

• 只有2個溫度選擇
• 冇顯示燈話俾你知夠唔夠熱, 要自己搵塊布試下熱未

如果你都想有自己既嘜頭就去桃子生活雜貨睇下啦
如果有任何問題可以留言或e-mail: totolyhandmade@gmail.com

貼心的友人

自從d朋友知道我鍾意做手作之後, 佢地去旅行都不忙買手作用品俾我

呢兩個friend 我由佢地拍拖、結婚到佢地第一個愛情結晶出世, 原來已經識左十年有多。

佢地經常都會去日本旅行, 每次總會為我帶回貼心的手信(其實我唔鼓勵人地格硬買手信架, 因為買左d用唔著既野就浪費左朋友既金錢同心機)。但係佢地每次帶番黎俾我既野實在太令人感動, 所以我係唔會阻止佢地去旅行既時候買手信俾我既

我記得有一次佢地係日本番黎, 我同老公揸車去機場接佢地, 佢地一落機就捧住盒新鮮壽司同日本士多啤梨, 叫我食~~~~~~

有一次, 知道我鍾意靚玻璃樽, 又為我帶回桃子味牛奶妹果汁(個樽仲係度)

又有一次, 知道我怕凍又帶左對家居羽絨鞋俾我(我依家冬天係唔可以冇左佢)

仲有......太多太多

今次佢地當然係帶左d手作野俾我啦~~~~~

好可愛既日本布




仲有可以換既花邊剪


佢地對我咁好我當然都要有小小表示啦
整左對BB鞋俾Thaddeus-佢地個囝囝


等我再用d日本布整另一d野俾Thaddeus先

新作品-散紙包

<<蝸居>>已經看完了, 所以又有新作品面世~~~~~~~

係自己既新嚐試-------散紙包。

一場荷蘭對巴西完成了貓貓壓線

5集<<蝸居>>+半集<<偷心大聖PS男>>+1集<<媳婦的美好時代>>完成了整體加滾邊

第一次上直角滾邊, 有點難度。

再花了一些時間研究磁扣, 發覺原來自己不會上磁扣

又花了一些時間研究四合扣, 終於安了四合扣, 過程中安壞了一個磁扣和一個四合扣

失敗乃成功之母嘛, 最終給我在德國對阿根廷開場之前完成了~~~~~~~~




想做這個包的原因是它既可放散紙又可放卡, 可以取代我那殘舊的散紙卡包。

你們想學嗎??得等一下了, 教程要後補啊~~