係網見到人地講東門有個九龍城廣場專賣十字繡, 早兩個星期帶奶奶番東門買十字繡。佢主要想買塑料繡布同繡線, 不過果度多數賣套件, 就算有繡布同繡線賣都比較貴, 所以我地冇買, 不過就買左2套十字繡。
一套係花鐘
一套係畫
幅畫係我揀打算繡俾媽咪做母親節禮物, 不過我之前未繡過十字繡, 呢個簡直係挑戰呀~~~~~~~~有成51隻色
所以呢個星期不斷日日繡, 完全冇時間做其他手作......
繡左3日既進度
一個星期既進度, 終於繡完d陰影位, 開始繡入面d花花
不過d花非常難繡, 一支紫色風信子已經有十幾隻色, 我奶奶星期日先開始繡個花鐘進度都快過我~~~~~~
希望可以係母親節之前完成佢啦~
你地邊個如果睇左唔好話俾我阿媽知, 俾個surprise佢。 如果我母親節之前繡唔起, 可以俾我順延去佢生日
